Цагдаа, дотоодын цэргийн алба хаагчдын мэдлэг ур чадварыг дээшлүүлэх 2023 оны сургалтын нэгдсэн төлөвлөгөө, Цагдаагийн ерөнхий газрын дарга, дотоодын цэргийн командлагчийн 2023 оны А/190 дугаар тушаалаар “Цагдаа”, “Цагдаа жолооч”, “Хамгаалалтын ажилтан” мэргэжил олгох сургалт зохион байгуулагдаж, шалгалтад тэнцсэн сонсогч нарт мэргэжлийн үнэмлэх гардуулах ёслолын арга хэмжээ энэ оны 08 дугаар сарын 17-ны өдөр зохион байгуулагдлаа. Төгсөлтийн арга хэмжээнд Дотоодын цэргийн 05 дугаар ангийн захирагч хурандаа Ж.Мөнхсолонго, Соён гэгээрүүлэх албаны сургалтын хэлтсийн дарга, цагдаагийн хурандаа В.Отгонбаяр, Цагдаагийн Ерөнхий газрын Хүний нөөцийн хэлтсийн ахлах мэргэжилтэн, цагдаагийн дэд хурандаа Д.Сэргэлэн Цагдаа, дотоодын цэргийн сургалтын нэгдсэн төвийн Сургалтын хэлтсийн дарга, цагдаагийн хурандаа Э.Даваасүрэн болон тус төвийн Сургалтын хэлтсийн алба хаагчид, “Мэргэжлийн үнэмлэх” гардан авах сонсогчид, “Сүлд” чуулгын уран бүтээлчид, эцэг эх, ар гэрийн төлөөлөл тус тус оролцлоо.