Цагдаа, дотоодын цэргийн сургалтын нэгдсэн төвийн үйл ажиллагаа, бүтцийг оновчтой болгох, алба хаагчдын ажлын бүтээмжийг нэмэгдүүлэх, хүний эрхийг хангах, иргэдэд үзүүлэх үйлчилгээний сэтгэл ханамж, чанар, бүтээмжийг дээшлүүлэх зорилгоор Процессын дахин инженерчлэл хийх ажлын хэсгийг Цагдаа, дотоодын цэргийн сургалтын нэгдсэн төвийн даргын 2025 оны 03 дугаар сарын 07-ны өдрийн А/43 дугаар тушаалаар батлууллаа.

Ажлын хэсгийн гишүүд хэрэгжүүлэх ажлын цар хүрээгээ тодорхойлж, Монголын Менежментүүдийн Холбооны ахлах зөвлөх Ц.Хишигжаргалтай хамтран ажиллах гэрээг байгуулан, процессын дахин инженерчлэл хийх, бүтээлийн арга хэлбэрийг ашиглах талаар 2 цагийн сургалт зохион байгуулж, байгууллагын чиг үүрэг, үйл явцыг тодорхойлох, Мандатын шинжилгээ хийх ажлыг эхлүүлээд байна.

Тус төвийн алба хаагчид нь процессын дахин инженерчлэлийн зорилго, төрөөс баримталж буй бодлого, шийдвэр болон нийгмийн хэрэгцээ шаардлагад нийцсэн байгууллага болж хөгжихийн ач холбогдол, агуулгыг ойлгож, багаараа хөгжих зорилт тавин ажиллаж байна.