Цагдаагийн ерөнхий газрын даргын 2015 оны Б/146 дугаар тушаалаар батлагдсан "Цагдаагийн байгууллагын 2015 оны сургалтын нэгдсэн төлөвлөгөө"-ний дагуу гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах албаны чиглэлээр 2 удаагийн мэргэшүүлэх сургалт 2015 оны 05 дугаар сарын 18-ны өдрөөс 05 дугаар сарын 22-ны өдрүүдэд тус тус зохион байгуулагдлаа.

Уг сургалтаар “Тээврийн хэрэгслийн хөдөлгөөний аюулгүй байдал, ашиглалтын журмын эсрэг гэмт хэргийн газрын үзлэг хийх, илрүүлэх арга, тактик”, “Гэмт хэргээс урьдчилан сэргийлэх ажиллагаа”, сэдэвт мэргэшүүлэх сургалт, “Олон нийтийн аюулгүй байдлыг хангах албанд шинээр томилогдсон алба хаагчдын баримжаа олгох давтан сургалт” зэрэг сэдвүүдээр Нийтийн хэв журам хамгаалах алба, Улаанбаатар хотын цагдаагийн газраас 6 сургагч багш ажилласан бөгөөд сургалтад төв, орон нутгийн цагдаагийн газар хэлтсийн 74 алба хаагч амжилттай оролцож, гэрчилгээ гардан авлаа.