Цагдаагийн ерөнхий газрын даргын 2018 оны А/46 дугаар тушаалаар батлагдсан “Цагдаа, дотоодын цэргийн алба хаагчдын мэдлэг, ур чадварыг дээшлүүлэх 2018 оны сургалтын нэгдсэн төлөвлөгөө, хөтөлбөр”-ийн дагуу цагдаагийн албаны алба хаагчдын мэдлэг, ур чадварыг дээшлүүлэх зорилгоор “Мэдээлэл судалгааны ажилтан бэлтгэх“ анхан шатны ур чадвар олгох сургалтыг Мэдээлэл, дүн шинжилгээ, шуурхай удирдлагын албаны статистик мэдээллийн хэлтэстэй хамтран Цагдаа, дотоодын цэргийн сургалтын нэгдсэн төвд 2018 оны 09 дүгээр сарын 19-нөөс 21-ний өдрүүдэд амжилттай зохион байгуулагдаж байна.

      Дээрх сургалтад төв, орон нутгийн цагдаагийн газар, хэлтсийн мэдээлэл судалгааны ажил хариуцсан 30 алба хаагч хамрагдаж байна.

       Уг сургалтын зорилго нь мэдээлэл судалгаа хариуцсан алба хаагчид үйл ажиллагаанд гарч буй нийтлэг алдаа, цаашид анхаарах асуудал, зөрчлийн мэдээллийн санд шинээр хийсэн маягт, өөрчлөлт, мэдээнд гарч буй алдаа, цаашид анхаарах асуудал, гэмт хэрэг, зөрчлийн статистик мэдээ боловсруулах үйл явц, зарчим, од, эксел програмыг ашиглах, үр дүнтэй ажиллах аргачлал, тооцоолон бодох гэт мэт давуу талыг олж авахад оршиж байна.