Гэмт хэрэгтэй тэмцэх, илрүүлэх чиглэлээр үүрэг гүйцэтгэдэг хэрэг бүртгэх, мөрдөн байцаах албаны мөрдөгч нарт зориулсан “Мөрдөн байцаах, хэрэг бүртгэх албаны мөрдөгч нарыг чадавхжуулах нь” сэдэвт мэргэшүүлэх сургалтыг энэ оны 03 дугаар сарын 27-ны өдрөөс 03 дугаар сарын 29-ний өдрүүдэд тус төвд зохион байгууллаа.

Мөрдөгчид Цагдаагийн байгууллагад хуулиар хүлээлгэсэн гэмт хэрэгтэй тэмцэх, илрүүлэх чиг үүргийг хэрэгжүүлэн ажиллаж, эрүүгийн хэргийн нотлох баримтуудыг бүрдүүлж, хуулийн хүрээнд хэргийн бодит үнэнийг тогтоодог.

Дээрх мэргэшүүлэх сургалтад хамрагдсанаараа алба хаагчид хуульд заасан эрх, хэмжээнийхээ хүрээнд хариуцсан ажлаа түргэн шуурхай, зөв оновчтой зохион байгуулах, гэмт хэргийг шуурхай илрүүлэх арга тактикаа сайжруулж, хуульч, шуурхай байдал хангагдах юм.