Цагдаагийн ерөнхий газрын даргын 2019 оны А/28 дугаар тушаалаар батлагдсан “Цагдаа, дотоодын цэргийн байгууллагын алба хаагчдын мэдлэг, ур чадварыг дээшлүүлэх 2019 оны сургалтын нэгдсэн төлөвлөгөө”-ний дагуу нутаг дэвсгэр хариуцсан цагдаагийн байгууллагын эрүүгийн мөрдөгч, хэсгийн төлөөлөгч нарт  зориулан “Эрүүгийн мөрдөгч нарыг чадавхжуулах нь”, “Хэсгийн төлөөлөгчдийг чадавхжуулах нь”  сэдэвт модуль сургалтуудыг энэ оны 04 дүгээр сарын 24-26-ны өдрүүдэд зохион байгуулж, нийт 52 алба хаагчдыг хамрууллаа.

          Эрүүгийн мөрдөгч, хэсгийн төлөөлөгч нарт мэдвэл зохих хууль тогтоомж, эрх зүйн үндэслэл журмын талаарх мэдлэг, мөрдөн шалгах ажиллагааны арга тактик, хэргийн газрын үзлэг, мал хулгайлах гэмт хэрэгтэй тэмцэх, илрүүлэх арга тактик, чадварыг дээшлүүлэх зорилготойгоор уг сургалтыг зохион байгууллаа.