Цагдаа, дотоодын цэргийн байгууллагаас 2025 онд дэвшүүлсэн “Хамтдаа хөгжье” зорилт, тус төвийн “Ахлагчийн зөвлөл”-өөс санаачилсан “Гэрэлт ирээдүйн төлөө хамтдаа алхъя” уриан дор “Алба хаагч танд тусалъя” аяныг энэ оны 06 дугаар сарын 13-ны өдөр зохион байгууллаа.

Уг ажлын хүрээнд тус төвийн алба хаагчдаас авсан санал асуулгын үр дүнд төвийн нийт алба хаагчид нэг өдрийн цалингаа сайн дурын үндсэн дээр хандивлаж, ахлагч бүрэлдэхүүнд олон жил үр бүтээлтэй ажиллаж байгаа 1 алба хаагчид иж бүрэн тавилгатай 5 ханатай монгол гэрийг тус төвийн дарга, цагдаагийн хурандаа Б.Даваазул, алба хаагчдын төлөөллийн хамт хүлээлгэн өглөө.