Галт зэвсгийн тухай хуулийн 22 дугаар зүйлийн 22.1 дэх заалтын хэрэгжилтийг хангах ажлын хүрээнд Цагдаагийн ерөнхий газрын даргын А/205 дугаар тушаалаар 2019 оны 09 дүгээр сарын 20-ны өдрөөс “Зэвсэг-2019” нэгдсэн арга хэмжээг улсын хэмжээнд зохион байгуулж байна. Цагдаагийн байгууллагын галт зэвсгийн бүртгэл, мэдээллийн нэгдсэн санд 47.925 галт зэвсэг бүртгэлтэйгээс нэгдсэн арга хэмжээний хугацаанд 44.341 галт зэвсэг тооллогод хамрагдаж, улсын хэмжээнд 92.5 хувьтай явагдаж байна.

Цагдаа, дотоодын цэргийн сургалтын нэгдсэн төвийн хашаанд зоригт Русланы сүрлэг хөшөө байрладаг. Тэр бол Монголын цагдаагийн байгууллагын Эрэлч нохойн албанд 10 жил зүтгэсэн орос овчарка. Түүний эзэн, цагдаагийн дэд хурандаа Г.Нэргүй нохойн анхны төлөөлөгчийн нэг байсан бөгөөд тэдний байгуулсан гавьяа энэ албанд домог болон түгсний илрэл нь уг хөшөө аж.

Цагдаагийн ерөнхий газрын даргын 2018 оны А/135 дугаар тушаалаар баталсан “Эрүүл цагдаа” хөтөлбөрийг хэрэгжүүлэх ажлын хүрээнд цагдаа, дотоодын цэргийн байгууллагын эмч, эмнэлгийн мэргэжилтнүүдийн ур чадварыг дээшлүүлэх “Эмчийн ёс зүй”, “Эмийн зохистой хэрэглээ”, “Амилуулах суурь болон лавшруулах тусламж” сэдэвт мэргэшүүлэх сургалтыг Эрүүл мэндийн хөгжлийн төвтэй хамтран тус төвд энэ оны 11 дүгээр сарын 14-15-ны өдрүүдэд зохион байгууллаа.

Цагдаагийн ерөнхий газрын даргын 2016 оны Б/105 дугаар тушаалаар батлагдсан “Иргэний болон харуул, хамгаалалтын зориулалттай галт зэвсэг эзэмших, ашиглах, хадгалах аюулгүй ажиллагааны сургалтын хөтөлбөр, төлөвлөгөө”-ний дагуу сургалтыг иргэдэд ойртуулж Дундговь аймагт  энэ оны 11 дугаар сарын 12-13-ны өдрүүдэд сургалт  зохион байгууллаа.

АВЛИГЫН МӨН ЧАНАР ХОР ХӨНӨӨЛ

авлигын эсрэг нүб-ын конвенц

Ашиг сонирхлын зөрчлийн талаар та хэр мэдэх вэ?

авлигын талаар та хэр мэдэх вэ?

Авлигын эсрэг хууль

Авлигын эсрэг хууль тогтоомжийг таниулах нь

АЛБА ХААГЧДЫН ЗӨВШӨӨРӨХ БОЛОН ХОРИГЛОХ ЗҮЙЛС

Хууль зүй, дотоод хэргийн сайдын нэрэмжит Цагдаагийн байгууллагын "Шилдэг хэсгийн төлөөлөгч-2019" тэмцээнийг энэ оны 11 дүгээр сарын 05-ны өдрөөс эхлэн уламжлал ёсоор Цагдаа, дотоодын цэргийн сургалтын нэгдсэн төвд зохион байгуулж, Цагдаагийн ерөнхий газрын даргын А/242 дугаар тушаалаар Цагдаагийн түр хүрээ байгуулагдлаа.

Цагдаа, дотоодын цэргийн сургалтын нэгдсэн төвөөс 2019 онд Байгууллагын соёлын хөтөлбөрийг хэрэгжүүлэх үйл ажиллагааны төлөвлөгөөний 1.1.2, 3.2.3 дахь заалтыг хэрэгжүүлэх, “Зөв хэвшил хандлага-2" аяны хүрээнд алба хаагчдын гэр бүлийн харилцаа, хандлагыг эерэгжүүлэх, гэр бүлд оролцох оролцоог нэмэгдүүлж ажлын бүтээмжид эерэгээр нөлөөлөх зорилготойгоор “Хайраар болзъё” 3 удаагийн цуврал сургалтыг Цэргийн нөхөрлөл төрийн бус байгууллагатай хамтран зохион байгуулахаар төлөвлөж, эхний удаагийн сургалтыг “Хайрын таван хэл” сэдвээр энэ оны 11 дүгээр сарын 02-ны өдөр 10.00-13.40 цагийн хооронд “Somang” плаза дээр зохион байгууллаа.

Цагдаа, дотоодын цэргийн сургалтын нэгдсэн төвийн  Эрэлч нохойн албаны түүхт 75 жилийн ойг тохиолдуулан Үндэсний аюулгүй байдлыг хангах тусгайлсан чиг үүрэг бүхий байгууллагын алба хаагчдын мэдлэг ур чадварыг дээшлүүлэх, харилцан туршлага солилцох, гэмт хэрэг, зөрчлийг илрүүлэх, таслан зогсоох арга тактикыг сайжруулах зорилгоор “Нэргүй сан”-тай хамтран “Шилдэг албаны нохой-2019” улсын аварга шалгаруулах тэмцээн болон цагдаагийн бэлтгэл дэд хурандаа Г.Нэргүй агсны нэрэмжит алдрын булангийн нээлтийн арга хэмжээ энэ оны 10 дугаар сарын 25-ны өдөр  Цагдаа, дотоодын цэргийн Сургалтын нэгдсэн төвд зохион байгуулагдлаа.

САНХҮҮГИЙН ТАЙЛАН ТЭНЦЭЛ

"Шилдэг албаны нохой 2019" тэмцээн 2019 оны 10 дугаар сарын 25-ны өдөр Цагдаа, дотоодын цэргийн сургалтын нэгдсэн төвд зохион байгуулагдана.

Гэрээт харуул хамгаалалтын тухай хууль”-ийн 10 дугаар зүйлийн 10.1, Цагдаагийн ерөнхий газрын даргын 2018 оны “Гэрээт харуул, хамгаалалтын сургалтын хөтөлбөр, төлөвлөгөө батлах тухай” Б/586 дугаар тушаалын хэрэгжилтийг хангах зорилгоор энэ оны 09 дүгээр сарын 26-ны өдрөөс эхлэн 21 хоногийн хугацаанд тус төвд явагдсан  “Гэрээт харуул, хамгаалалтын ажилтан бэлтгэх” сургалтын төгсөлтийн арга хэмжээг энэ оны 10 дугаар сарын 18-ны өдөр зохион байгуулж, сургалтад амжилттай дүн үзүүлсэн 30 иргэнд гэрчилгээ гардууллаа.

Цагдаа, дотоодын цэргийн Сургалтын нэгдсэн төв, Нийтийн хэв журам хамгаалах, олон нийтийн аюулгүй байдлыг хангах албаны Эргүүл хамгаалалтын газар хамтран  "Цагдаа, дотоодын цэргийн алба хаагчдын галт зэвсэг, хийн буу, амьсгал боогдуулагч, нулимс асгаруулагч хий болон бусад тусгай хэрэгсэл хэрэглэх практик” сэдэвт сургалтыг өнөөдөр /2019.10.18/ Нийтийн хэв журам хамгаалах, олон нийтийн аюулгүй байдлыг хангах албаны Эргүүл хамгаалалтын газартай хамтран зохион байгууллаа.

“Зөв хэвшил, хандлага II” аян, соён гэгээрүүлэх ажлын хүрээнд Цагдаа, дотоодын цэргийн сургалтын нэгдсэн төвийн 39 алба хаагч энэ оны 10 дугаар сарын 16-ны өдөр Монгол нутаг дахь эртний хүмүүсийн аж амьдралын хөгжил, монголчуудын түүх, өв соёл, уламжлал, орчин цагийн цагдаагийн байгууллагын үүсэл, хөгжил, дэвшлийн талаар танин мэдэх, сурталчлах, түгээн дэлгэрүүлэх зорилгоор Монголын Үндэсний Музей, Цагдаагийн байгууллагын музей, Шүүхийн шийдвэр гүйцэтгэх ерөнхий газрын харъяа 409 дүгээр хаалттай хорих ангийн цагдан хорих, баривчлах болон хорих ял эдлүүлэх үйл ажиллагааны харуул, хамгаалалт, алба хаагчийн мэргэшүүлэх сургалт, соён гэгээрүүлэх ажил, түүхэн замналын музейг үзэж сонирхон, салбар нэгжийг түшиглэсэн гар урлал, модон эдлэл, гутал, давуу, эсгий, сүлжмэлийн үйлдвэрлэл болон бүтээгдэхүүн үйлдвэрлэх үйл явцтай танилцлаа.

Цагдаагийн ерөнхий газрын даргын 2016 оны Б/105 дугаар тушаалаар батлагдсан “Иргэний болон харуул, хамгаалалтын зориулалттай галт зэвсэг эзэмших, ашиглах, хадгалах аюулгүй ажиллагааны сургалтын хөтөлбөр, төлөвлөгөө”-ний дагуу сургалтыг иргэдэд ойртуулж Дорноговь  аймгийн цагдаагийн газрын танхимд энэ оны 10 дугаар сарын 15-17-ны өдрүүдэд сургалт зохион байгууллаа.