Цагдаагийн ерөнхий газрын даргын 2018 оны А/46 дугаар тушаалаар батлагдсан “Цагдаа, дотоодын цэргийн алба хаагчдын мэдлэг ур чадварыг дээшлүүлэх 2018 оны сургалтын нэгдсэн төлөвлөгөө”-ний дагуу 2018 оны 1 дүгээр улиралд 16 удаагийн 842 цагийн сургалтад Алба, нэгж, нутаг дэвсгэр хариуцсан цагдаагийн 58 байгууллагын 577 алба хаагч, 163 иргэдийг сургалтад хамруулсан байна.

Цагдаагийн байгууллагын удирдах ажилтны сургалт, зөвлөгөөний үеэр орон нутаг дахь Цагдаагийн газар, хэлтсийн дарга нар Сургалтын нэгдсэн төвийн сургалтын үйл ажиллагаа, бүтээн байгуулалт, сургалтын орчинтой танилцаж, албаны нохойн үзүүлэх тоглолтыг сонирхов.

ЦЕГ-ын сургалтын төвийн нохой алба нийт 60 гаруй нохойтой. Тэднийг нийтийн хэв журам хамгаалах, хар тамхи хэрэглэсэн болон тээвэрлэсэн гэмт хэрэгтэй тэмцэх үйлсэд чиглүүлэн мэргэшүүлжээ.

БҮГД НАЙРАМДАХ СОЛОНГОС УЛСЫН ЕРӨНХИЙ ПРОКУРОРЫН ГАЗРААС МОНГОЛ УЛСЫН ЦАГДААГИЙН ЕРӨНХИЙ ГАЗАРТ АЙЛЧИЛЖ БУЙ “МАНСУУРУУЛАХ БОЛОН СЭТГЭЦЭД НӨЛӨӨЛӨХ БОДИСЫН ХУУЛЬ БУС ЭРГЭЛТТЭЙ ТЭМЦЭХ ТӨСӨЛ”-ИЙН ҮНЭЛГЭЭНИЙ БАГИЙН БҮРЭЛДЭХҮҮН СУРГАЛТЫН НЭГДСЭН ТӨВИЙН ҮЙЛ АЖИЛЛАГААТАЙ ТАНИЛЦАВ.

Улсын Ерөнхий Прокурорын газар, цагдаагийн ерөнхий газрын Сургалтын төвүүдийн хамтын ажиллагааны хүрээнд Нийслэлийн прокурор, Хууль цаазын итгэмжит зөвлөх Д.Баярмагнайгаар ахлуулсан Нийслэлийн прокурорын орлогч болон дүүргүүдийн прокурор, орлогч, туслах прокурорууд багтсан 23 хүний бүрэлдэхүүнтэй баг энэ оны 04 дүгээр сарын 12-ны өдөр Цагдаагийн ерөнхий газрын нэгдсэн төвийн үйл ажиллагаа, бүтээн байгуулалт, сургалтын орчинтой танилцан, туршлага судалж, албаны нохойн үзүүлэх тоглолтыг сонирхов

Цагдаагийн албаны тухай хууль шинэчлэн батлагдсан Цагдаагийн байгууллагад сургагч ахлагч цол шинээр бий болж байгаатай холбогдуулан, эхний ээлжинд Улаанбаатар цагдаагийн хүрээний цагдаагийн газар хэлтсийн ахлагч бүрэлдэхүүнээс сургагч ахлагчийн шалгуур хангасан алба хаагчид Цагдаагийн ерөнхий газрын Сургалтын төвд Сургагч ахлагч нарыг чадавхижуулах модуль сургалтад 4 өдрөө хамрагдаж байна.

Бүгд найрамдах турк улсын “тика” олон улсын хамтын ажиллагааны байгууллага, монгол улсын цагдаагийн ерөнхий газраас хамтран цагдаагийн төв болон харьяа алба, нэгж, нутаг дэвсгэр хариуцсан цагдаагийн байгууллагын дарга нарт 2017 оны 05 сарын 22-ноос 26-ны өдрүүдэд “цагдаагийн манлайлал ба удирдах ур чадвар” сэдэвт сургалтыг цег-ын сургалтын нэгдсэн төвд зохион байгууллав.

Акс дуудлагатай эр нохой нь өөрийн үүлдрийн хэв шинжийг бүрэн агуулсан, цэвэр цусны нохой бөгөөд Монголын нохойн холбооноос зохион явуулсан уралдаан, тэмцээнүүдэд амжилттай оролцож, дэд байруудад шалгарч байсан бол Кози дуудлагатай эм нохой нь насны ангилалдаа дэд байр эзэлж байжээ.Дээрх нохдыг үржил селекцийн ажил явуулан цэвэр цусны нохдыг гарган авахад ашиглах юм байна.

Онцгой Байдлын Ерөнхий Газрын дарга бригадын генерал Т.Бадрал, Санхүү хангалт үйлчилгээний газрын дарга, онцгой байдлын хурандаа Р.Бадам, сургалтын мэргэжилтэн З.Баттулга нар Сургалтын төв дээр зочилж цагдаагийн алба хаагчдын давтан болон мэргэшүүлэх сургалтын хөтөлбөр, сургалтын анги танхимуудтай танилцаж, сургуультай нохдын үзүүлэх тоглолтыг үзэж сонирхлоо.

Цагдаагийн ерөнхий газрын Сургалтын төв нь Мэдээллийн технологи, холбооны газартай хамтран орон нутгийн Цагдаагийн газар, хэлтсийн алба хаагчдад зайны /онлайн/ сургалтыг анх удаа туршилтаар явуулж эхэллээ.

Монгол Улсын Гэр бүлийн хүчирхийлэлтэй тэмцэх тухай хууль 2017 оны 02 дугаар сарын 1-нээс хэрэгжиж эхлэхтэй холбогдуулан “Гэр бүлийн хүчирхийлэлтэй тэмцэх чиглэлээр сэтгэл зүйчдийг чадавхижуулах нь” сэдэвт 5 хоногийн сургалтыг Цагдаагийн ерөнхий газрын Гэмт хэрэгтэй тэмцэх алба, Сургалтын төв хамтран 2017 оны 1 дүгээр сарын 23-наас 27-ны өдрүүдэд зохион байгуулж байна.

Гадаад хэл сургалтын “Абсолют” төв нь нийгмийн хариуцлагаа хэрэгжүүлэгч байгууллагын хувьд Цагдаагийн Ерөнхий газрын сургалтын төвтэй хамтран цагдаагийн алба хаагчдын гадаад хэлний мэдлэгийг дээшлүүлэхэд хамтран ажиллахаар боллоо.